Kopzorgn deur de Mogge HWE 361
Moi maoten en maotinnen,
’t Is ’n beetien ’n soap an ’t worden, al dat gedoo over Eeserwold. Eerst zeden ze “Neet veur iederene”, maor now de bouw van dure villa’s in ’t slop zit, wil’n ze van nog te bouwen villa’s twee onder een kappe maeken. Dus vraog ik mi’j of: Eeserwold, tòch veur iederene? ’t Ele plan Eeserwold is volngs mi’j veuls te oge egrepen. Laot ze daor de netuur maor eur gang laoten gaon, dan zu’j ies zien oe mooi as ’t daor wordt. Miskien moe’j dat gebied maor weer ’n aandere naeme geêm’: Iesveense ‘euilaanden of zo. Wat denken jullie? Zol ’t nog weer goodkoôm’ mit Eeserwold?
Kobie Storm is of’ezwaeid as journalist van ’t Steenwieker Olde Wieffien. Ik vien ’t jammer, maor good, an alles komp ’n ende, now? Ik maeke mi’j trouwens wel ’n beetien zorng over wat ‘r daomiet gaot gebeuren. Bin zien opvolgers net zo onof’aankelijk as i’j was en zol’n ze de bestuurders van Steenwiekerlaand net zo kritisch in de gaeten ol’n asdat i’j dat deu? Soms eb ik mien twiefels daorover en dan denk ik wel ies: As ’t maorneet “Calm after the storm” wordt. Wat is jullie mening?
’t Terrein achter d’uzen van de Onnegies- en de Gast’uusstraote wil’n ze inrichten as Stadstuun en de bedooling is om er nao verloop van tied ’n kruudentuun van te maeken, net zoas er vrogger ene was op de Kleine Kaampe. Maor wee mag daor daomiet de greunte, de kruuden en de plaanten weg’aelen? Allenig de bewoners van d’Onnegiesstraote en de Gast’uusstraote? Of is dee tuun bestemd veur alle Steenwiekers? Weten jullie ’t?
