Kopzorgn deur de Mogge HWE 371
Moi maoten en maotinnen,
De Maark mot verkeersluw worden en d’r mot plekke komen veur cultuur, zo laas ik in ’t Olde Wieffien. Now, daor bin ik ’t elemaole mit eens en ik denke jullie ook wèh. Maor ’t mag neet ’n volledig orecaplein worden. Waoromme eigelijk neet? Wat is daor mis mit. Zol toch prachtig weên as de Maark mit mooi weer één groot terras is. Zet in de midden een klein podium, waor wat livemesiek espeuld wordt (d’r bin genog orkessies dee daor an de weg kun’n timmern en op dee meniere wordt er ook an cultuur edön) en Steenwiek krig ’n kloppend arte zoas de minsen zich neet meer kun erinnern. Oe denken jullie d’r over?
Wat vien-n jullie trouwens van ’t idee om rondomme de binnenstad éénrichtingsverkeer veur auto’s in te stellen? Zol dat waarkelijk de preblemen bi’j de Peerdemaark en d’aandere knelpunten oplössen? ’t Is netuurlijk veurof te veurspellen dat de winkeliersvereniging Steenwiek Vestingstad daor teung is, maor oe wil’n z’aanders de Maark verkeersluw krieng?
Tiedens de Overiesselse biertapwedstried in Fanfare in Gietern, waor as 42 personen an mitdeuden, eindigden maor liefst vier vrouwen bi’j d’eerste viefe. En van dee viefe kwamen d’r 3(!) uut Steenwiekerlaand en da’s wel een felicitaosie weerd. Maor now vraog ik mi’j of, of ’t neet ies tied gaot worden dat eur mannelijke orecacollega’s in Steenwiekerlaand zich ies good achter d’oren gaon krabben. Ik eurde, dat er gien ene mannelijke biertapper uut Steenwiek mitdeu aan de wedstried en dat kwamp, omdat ze bi’j veurbaot al bange waren veur de vrouwen. Maor of dat leste waor is, vraog ik mi’j of. Ik wete neet oe jullie d’r over denken, maor ik gao vanof now allenig naor ’n kroegien, waor vrouwen ’t biertie tappen.
