Kopzorgn deur de Mogge HWE 365

Moi maoten en maotinnen,

Ik eurde zo ier en daor in de waandelgangen dat de organisatie van de Vestingfeesten nog neet elemaole gaot zoas ’t mot. Ofgeleupen woensdag ston’n ‘r in de Onnegiesstraote ’s morns vrog al aandelaoren, dee neet eens wusten dat de braoderie pas om één ure begun. En de Spiekervetstallen skenen ook neet lös te weên. Zo meuilijk kan ’t donkt mi’j neet weên, want toen ’t nog Midweekfeesten was, gong ’t toch ook good?

Toch wel mooi hè, dat er now eindelijk weer ’n toeristeninfopunt is in Steenwiek. Wi’j, jullie en ikke, em ’t er vaeke genog over ad dat ’t verdwienen van de VVV in Steenwiek ’n misser van de eerste orde was. Zo zie’j maor weer waor de kopzorng en jullie reacties allemaole toe eleid em’n.