Kopzorgn deur de Mogge HWE 369
Moi maoten en maotinnen,
Ef iederene ’t een beetien naor de zin ad in de vekaansie? Jao? Now dan kun’n wi’j d’r weer ’n jaor teung an, toch? Geliek maor van start dan.
College van B en W presenteert concept collegeprogramma, zo kopde lest ’t Olde Wiefien. Zo staot in dat concept onder meer dat toerisme ene van de pijlers is van de Steenwiekerlaandse economie. Dan lees ik verder, dat de gemeente ’n sobere besteding van ’t gemeentegeld wil. Now, a’j toeristen naor Steenwiek wil’n kriegen, dan moe’j volngs mi’j zorng dat Steenwiek d’r antrekkelijk uut zig. Em jullie de grachten wel ies good bekeken? Lopen jullie wel ies over de wal’n? Koôm jullie wel ies in Rams Woerthe? Wat denk-ie van ’t greunonder’old? Oe zien de straoten in de stad eruut? Mit een sobere besteding van gemeentegeld vraog ik jullie of, of Steenwiek ooit een antrekkelijke Vestingstad gaot worden.
Volngd jaor kan d’r in Steenwiek gratis parkeerd worden. Maor ’t is nog gien volngd jaor en toch zie’k gien parkeerwachters of boa’s meer, dee d’r op letten of ‘r wel ’n parkeerkaortien achter de rute lig. Ik waog ’t nog steeds neet om in de stad te parkeren zonder bonnegien, want ’t risico op ’n bekeuring is mi’j te groot. Bin jullie wèh stoer genog om zonder parkeerkaortien te parkeren?
De Meenthe deelde saoterdag gratis condooms uut. En dat was ter geleeng’eid van de veurstelling Vuuftig Tinten Gries. Now ek wel ies elezen dat Vuuftig Tinten Gries speciael op vrouwen is ericht en dat de mannen daor naauwelijks belangstellink veur em’n. As dat waor is, dan is ’t toch gewoon weggegooid geld wat De Meenthe dot? Of zol ‘An h’Evers d’r een bepaolde bedooling mit em’n? Wat donkt jullie?
