De humor ligt op ‘e straote

Ni’je uutgaove van de Stellingwarver Schrieversronte, schreven deur Jan Schonewille. De humor ligt op ‘e  straote. En Jan Schonewille uut Noordwoolde is een luusterer. Disse kombinaosie het d’r veur zorgd dawwe via de Stellingwarver Spreukekelender en de Stellingwarver kraanten genieten hebben kunnen van verschillende humoristische verhaelties van zien haand. En daor is et niet bi’j bleven. De leste jaoren het Jan niet stillezeten. Et gevolg daorvan is disse uutgaove, mit 113 humorischte verhaelties. Et gaot om verhaelties die Jan onderwegens heurt of te heuren krigt.  Hiel herkenber en mit veural  een kwinkslag.

De eerste exemplaoren wodden onlaaanks op ‘n enigszins feestelik mement waor ok Hennie Duin, dirkteur van de uitgever Stellingwarver Schrieversronte, veur Grietje Bosma,  die tegere mit Attie Nijboer weerdevolle feedback aan Schonewille hadden geven veur de totstandkoming van de ni’je bundel. Nijboer kon helaas niet anwezig wezen, mar zal et exemplaar alsnog worden overhandigd.

“Disse dag is ’n goeie dag veur een grappien” staot op de kleurrieke cover van “Humor ligt  op  ‘e straote”.  En luusteren maekt ni’jsgierig . In disse verzaemelbundel is de doodgewone straotpraot van meensken opneumen. Verhaelen mit ’n humoristische inslag en altied mit een verrassend ende. De verhaelenbundel is daorom ok hiel herkenber.

Et is onderhaand al weer vuuftien jaor leden dat Alderhaande, et twiede boek van Schonewille uutkwam. Tussentieds wodde zien wark publiceert in et Stellingwarfse tiedschrift De Ovend, de Stellingwarver spreukekelinder en de kraanten in de beide Stellingwarven.

De Schrieversronte moedigde him an om een bundel samen te stellen, zodat disse ok in de kommende Sinterklaos- en Kasttied as een mooi  kedogien weg te geven is.

Boeken bin te koop  bi’j de Schrieversronte   

De verzamelbundel wodt uutgegeven deur de Stellingwarver Schrieversronte in Berkoop. De kostpries is € 19,95. Et boek verschijnt in een oplage van 100 boeken. Et boek is verkriegbaor bi’j de Stellingwarver Schrieversronte in Berkoop. (www.stellingwarfs.nl , per mail: info@stellingwarfs.nl of tel.0516-451108 tiedens de eupeningstieden).